يم قبر الحسن

زينب وجت الشمعه
يم گبر الحسن تنعه
ويلاه ويلاه
لمن تذرف الدمعه
صوت بکربلا تسمعه
ويلاه ويلاه
■□■□■□■
للبقيع اتعنت الحره الوفيه
راحت بثوب السبي لبن الرچيه
وجت الشمعه وتون ونه شجيه
وين زوارك يخويه بهالمسية
يمك ماشفت موكب
خويه ولادمع يسچب
ويلاه ويلاه
گبرك يختلف وضعه
صوت بكربلا تسمعه
ويلاه ويلاه
■□■□■□■
مارحت يم كربل اگبرك گصدته
انه ادري بالاخو يتنطراخته
تيهت لكن دمع امك تبعته
لاتگلي شلون دمه امك عرفته
دمه المنذبح ابنه
لازم ينجرح جفنه
ويلاه ويلاه
يحمل جمة الصفعه
صوت بكربلا تسمعه
ويلاه ويلاه
■□■□■□■
اني جيت الگبرك بروحي الکئيبه
ياغريب الدار اجت يمك غريبة
گبرك المهدوم ضاعفلي المصيبة
ماشفت موكب لطم يمك عجيبة
خويه شيعتك تحضر
صاحت عند ابوالاكبر
ويلاه ويلاه
رادت نعشك ترفعه
صوت بكربلا تسمعه
ويلاه ويلاه
■□■□■□■
سامح اختك لو مدامعها قليله
تدري بيها بالبواچي مو بخيله
دمعي من فراگ خوتك شح مسيله
والبقه منه خلص يم العليله
ورموش الجفن طاحت
نبضات الگلب صاحت
ويلاه ويلاه
اسمع ونة البضعة
صوت بكربلا تسمعه
ويلاه ويلاه
■□■□■□■
من شفت دم چبدتك چبدي فطرته
بس مصاب الطف يخويه ماحسبته
شفت خوك حسين من گطعورگبته
اخرانفاسه ولفظ اسمك سمعته
طبع الينسفك دمه
لازم يذكرابن امه
ويلاه ويلاه
عاري ومحديشيعه
صوت بكربلا تسمعه
ويلاه ويلاه
■□■□■□■
الله لايرحم جميع الناصبيه
گبرك تساوه يخي ويه الوطية
منين اجيبلك مواكب حيدرية
والبقيع يصيرمثل الغاضرية
صارالجعفري يحلم
يمك ينصب المأتم
ويلاه ويلاه
ظلت بالگلب صدعه
صوت بكربلا تسمعه
ويلاه ويلاه
■□■□■□■
راح اردللشام والعله شديده
ظلت ارقيه يبومحمدوحيده
ننتظر مهدينا والطلعه اکيده
ادري ماتصفه ابدالا عله ايده
يمته رايته ترفرف
يوصل يمك ويهتف
ويلاه ويلاه
حانت ساعت الطلعة
صوت بكربلا تسمعه
ويلاه ويلاه
■□■□■□■