09-28-2020, 02:47 AM
|
|
|
|
لوني المفضل :
Red
|
رقم العضوية :
6988 |
تاريخ التسجيل :
Jul 2020 |
فترة الأقامة :
1394 يوم |
أخر زيارة :
08-11-2021 |
المشاركات :
2,086 [
+
]
|
عدد النقاط : 10 |
قوة الترشيح :
|
|
|
لولا الكرم ماعرف حاتم ولد طي
الصاحب اللي مانفع دامني حي
ماعاد ينفعني نهار القيامه
لااحتاجلي ما ابقيت خلف الجدر في
ولااحتجت انا له نوخته الرخامه
وانا احمد الله ماعلي قاصر شي
رزقي على المعبود منشي الغمامه
لاتامن الدنيا ترى وضعها سي
يومن صحو واليوم الاخر عسامه
دنيا دنيه شوف صدام ابو عدي
مابين يوم وليل ضاعت حلامه
لولا الكرم ماعرف حاتم ولد طي
ولا على وجه السنافي علامه
ماسد حالك يافتى لوّه شويّ
يغنيك عنهم والتعفف كرامه
انا نذير الذرب من رفقة العيّ
يومين ثم تجلب عليه الندامه
اللاش مخطي ذيك وايضا بعد ذي
ولا عاد تبغى منه غير السلامه
ولا يكسب الطولات من يتبع الغي
ويدس راسه مثل راس النعامه
ادلي في الجمه قصر دونه ادلي
ماتستوي قامه وعشرين قامه
ورفقة هل النوماس تسطع كما الضي
مثل القمر في الليل يجلى ظلامه
الطيب مرقب عسر مرقاه ياخي
وعيب على اللي ينثني في كلامه
ياهامتي برفعتس مادامني حي
ولامت عند الله جزا كل هامه
|