حلاوة الطبيعة الحساوية...،

سلام،،


ما عندي سالفة قل أوريكم هالكم صورة،،

طبعاً الصوور منقووله حبيت انكم تشوفوها




هذي المزرعه.. ترى توها جديدة ما أخذ لها سنه من اشتغلوا فيها والا هي قبل كانت أرض ولا المقبرة!! ما فيها شي أبد...





وهذا الماي اللي يسقي الزرع======>> لا يا شيخ!! تصدق أفكر أن هالماي تسوون به الشاي بس زين وضحت لي!!!





وهذا يسمونه (الشرب)،، تنطق بضم الشين وتسكين الراء والباء،، وهو عبارة عن طريق يمشي فيه الماي ويتوزع من الفتحات الجانبيه على الزرع.








هذي الجهة الثانية من المزرعه،، وتلاحظون (المشموم) مزروع بكثره.. هذا الرمل اللي يفصل بين الزرع يسمى (الدّوسه)،، وسموها كذا لأنهم يدوسون عليها يعني يمشون عليها إذا بيتنقلون بين الزرايع




وهذي (الباميه)،، ومعروف الباميه الحساوي ما يحتاج توضيح،،
أنا أكره هالباميه بس أخذت شوي للوالده،،



وهذا الرمان بس ما بعد يستوي،، بعده صغار،،




طماطه،، مليانه المزرعه من الطماط،، بس كله أخضر!!



وهذي اللي حصلناهم حمر،، بس سوينا بهم شكشوكه للفطور خخخخخخخخخ




وهذا البصل الحساوي،، تعرفونه؟؟ هذا البصل اللي يجي طويل كنه خيار بس طعمه طعم بصل خخخخخخخخ

طبعاً البصل موجود داخل الأرض والأخضر هذا اللي بره كله ماله داعي،، كله يرمى بعدين..



وهذا يسمونه (عريش) كنك بتقول عرين الأسد بس قول عريش البصل،،

هذا يحطون فيه البصل بعد ما يقطعونه عشان يتجفف،،






ورد وما أجمل الورد،،قطعت وحده وعطيتها أمي.. تعرفون ويش سوت فيها؟؟؟

قطعت أوراقها وحطتهم في الشاي!!! تقول يصير طعمه حلو بالورد،،

طبعاً فيه من ياكل الورد هذا على أنه دواء للمعده!! وفيه اللي يغليه في ماي ويشربه،،



وهذي عدة الشغل..

من اليمين (عاميَّه) بفتح العين وكسر الميم ويسمونها بعد (صخّين)،، ليش هالأسامي ما أعرف.. تستخدم إذا يبغون يعدلون الأرض وعشان الحفر وهالسوالف،،

الثاني يسمونه (هيب) بكسر الهاء وما أعرف له أسم ثاني،، ويستخدمونه في الحفر إذا كانت الأرض صلبه ويستخدمونه في الأشياء الثقيله،، مثل إذا بتقلع نخلة والا بتكسر جذع شجرة كبير،، وهذا (الهيب) مصنوع من الحديد وثقيل مرّه،، ومن جهة حاد ومن الجهة الثانية مدبب..

هذا العود الطويل اللي آخره حديد منفوش يسمونه (رقّ)،، وهذا يستخدمونه بعد ما يستخدمون (الصخين) عشان يسوون الأرض سيده ومتساويه،، بعد يستخدمونه إذا كانت الأرض مليانه أوساخ،، سحبه سحبتين منه والا الأوساخ كلها متجمعه،، تقنية النخيل وما ادراكم ما التقنيه!!!

اللي في الزاويه يسار تحت يسمونه (محش) بفتح الميم والحاء وتسكين الشين،، هذا سموه محش لأنه (يحش) يعني يقطع،، ويستخدمونه لحش الحشائش وقطع الثمار، وهذا حاد،، ويستخدمونه بحذر،، فيه نوع ثاني من (المحشات) يسمونه (منجل) وهذا حاد أكثر من المحش ومعقوف أكثر من المحش،، ويستخدمونه في قطع أجزاء من النخله يسمونها (كرب) بفتح الكاف والباء، بس مو موجود والا كان وريتكم صورته،،

الباقي تعرفونهم أكيد،، تسمونهم (مطارق) صح؟؟

هذي مو أسمها مطارق.. المطرقة تجي صغيره،، هذي أسمها (مهدّه)، بفتح الميم والهاء، وسميت كذا لأنها (تهد) الحيل وتهد الشيء اللي تضربه،، وهذي ثقيله،، فيه أكبر منها بواجد،، مره شفت (مهده) وزنها 30 كيلو بدون الخشبه!!! يعني يبغالها واحد شديد اللي بيشتغل بها طول النهار,,,

منقوووووله

روعـــــــة ماشــــاء اللــه تبـــارك اللــه
أنا أحب الطبيعة كثيـــــر و الصور اللي جبيتها أختي كثيـــــر حلـــــوه
للأسف ولا مــــره قد رحت الحسا
(( الحسا طبيعتها بمزارعها الحلوه ))

مشكورة على موضوعك الأكثر من رائع

تحياتي لك... غــــــلا
*-- *-- *--

مشكوووره حبيبتي على الرد

وان شاءالله تزورين الاحسااء

اكيد بتنوور الاحساء ياقلبي

مشكوووره حبيبتي على الرد

وان شاءالله تزورين الاحسااء

اكيد بتنوور الاحساء ياقلبي

مرحبا أختي

عاشقة زينب

ما شالله مناظر حلوه معروفة الأحساء بمناظرها الخلابه..

وان شالله اوريك حلاوة الطبيعة في القطيف smilolw

تسلمي أختي لا حرمنا من مواضيعك

في أنتظار جديدك

في أمان لله

المشاركة الأصلية كتبت بواسطة الوديعة

مرحبا أختي

عاشقة زينب

ما شالله مناظر حلوه معروفة الأحساء بمناظرها الخلابه..

وان شالله اوريك حلاوة الطبيعة في القطيف smilolw

تسلمي أختي لا حرمنا من مواضيعك

في أنتظار جديدك

في أمان لله

مشكوووره حبيبتي الوديعه على الرد

وننتظر نشووف طبيعة القطيف على ناار smilolw

تسلمين يالغاليه

روووووووووعه الصراحه طبيعة الحسا حلوه كثير

و اشتقت اروح مورعه في الاحسا ..

صارلي ما انعزمت هناك قريب السنيتن ..

بس الحمد الله اني اروح الاحسا كل فتره .. لازم نزور بقايا الاهل .. :)



غلا: لازم تزورين الاحسا .. تبين اخذك في رحله استكشافيه هناك smilolw


تشكرين يا عاشقة زينب تفزلورد

المشاركة الأصلية كتبت بواسطة عيــون باكيــة

روووووووووعه الصراحه طبيعة الحسا حلوه كثير

و اشتقت اروح مورعه في الاحسا ..

صارلي ما انعزمت هناك قريب السنيتن ..

بس الحمد الله اني اروح الاحسا كل فتره .. لازم نزور بقايا الاهل .. :)



غلا: لازم تزورين الاحسا .. تبين اخذك في رحله استكشافيه هناك smilolw


تشكرين يا عاشقة زينب تفزلورد

تسلم اخووي عيوون باكيه على الرد يعطيك ربي الف عاافيه ومشكوور

حلاوة حلوووووه وطبيعه حلوووة جميله مشكورة عاشقة زينب *--

المشاركة الأصلية كتبت بواسطة alnahr

حلاوة حلوووووه وطبيعه حلوووة جميله مشكورة عاشقة زينب *--

مشكوور اخووي النهر على الرد جزالك ربي الف عاافيه وتسلم