يلي تبغى حب قبل الزواج وقصص رومانسية تعال ابيك بكلمة راس !!!

مرحووووووووبا

استغرب من بعض الشباب اللي مسووين روحهم روميو وقيس بن الملوح>>ايش جاب الأثنين لبعض مدري...... انتم مشوهااااااااا

بمعنى انه حبيب و راعي عشق وكلام فاضي ...يحب وحدة ويتعلق فيها

ومايفكر ياخذ غيرها علاقات وغراميات وكلام معسول وتدليل الحبيبة اللي معتبرها

الزوجة المستقبيلة لان مفكر يتقدم لها بعيدا عن مايسمى الزواج التقليدي ويبي يتميز

عن الغير يبي يعيش قصص الحب ما قبل الزواج واللي يظن انه بيظل لما بعد الزواج

ويستمر هالكلام والغزل لفترة مؤقتة طبعا ياخذ بنت الناس ويوهقها معه

لانه بعد الزواج راح الكلام تضيع كلمات الحب ويبدا يشك فيها واكيد بيقول كلمتني

بتكلم الف غيري يضيق عليها يراقب تصرفاتها بعد ماكانت عبايتها عالكتف لبسها

عباية عالراس حرمها من الطلعات واخذ منها الجوال وعطى اهلها خبراذا تبون تكلمون

بنتكم دقو على جوالي يمكن بتقولون ابالغ بوصفي امثال هالنوعية من الرجال

لا في رجال كثيريتصرفون بهالشكل وادهى من كذا خاصة مع البنت اللي ياخذها

ولا وراها ولي او رجال يوقف معاها ويساندها فيستغل الفرصة اكثر ويعذب

بنت الناس بشتى الطرق انا بصراحة اشوف انه للحين مااااااااااااااافي

علاقة تدوم الا من رحم ربي وتبين تاخذين واحد بعد حب خذي غير السعودي

بصراحة لان تفكيره مايتقبل هالأمور يحاول انه يكون اوبن مايند (open mind )

ويتنكر بشخصية ماهي

له لكن مايقدر مستحيل يغير عادة وطبع تربى وشب عليه وماعنده استيعاب

وفكرة ان انتي حبيتيه ورفضتي رجال كثير وماخذتي الا هو لانك تحبينه مو لانك

لعابة وراعية علاقات ومصخرة طيب دام انك منت قد الحب وسنينه ليش اوهمت

بنت الناس من البداية بكذبة ويوم انك تبي بنت ناس متدينة فكر بالزواج التقليدي وشيل من

راسك لعب العيال و لو ودك بام عيالك انسانة ملتزمة وتصونك وتصون بيتك

مع أن حتى الزوجة اللي بتاخذها عن حب راح ترفع راسك وتصونك وبتكون من

احسن مايكون اذا ماجاتلك حالة من انفصام الشخصية بعد الزواج ...

مع العلم اني عرفت بنات تزوجوا عن حب ومازالوا عايشين باسعد مايكون

وعلاقتهم حلوة لكن هي فئة لاتزيد عن 1 % بالمجتمع تحتاج لرجل متفهم رجل يستوعب

الموضوع من بدايته عشان يقدر يكمل فيه يستوعب فكرة ان مو معناة ان زوجتك كلمتك

قبل الزواج انها انسانة مو متربية او ماتقدر تفتح بيت وتربي اولادك فكرة انك

راضي ومقتنع بهذي العلاقة والزواج مو تجيك حالات نفسية ووسوسة وشكوك وتخلي

من هم حولك يأثرون فيك وعليك فكرة انك تحبها وهي تحبك يكفي انها تخلق جو عائلي

بعيد عن المشاكل والشكوك اللي مالها داعي و تنتهي بنتيجة سلبية...

واللي مو قد الحب لا يحب..

شباب وصبايا.. انا ابي رايكم يمكن تكلمت من جانب وخليت عقلك يوزن جانب ثاني

،،،،،،هل ممكن انها تدووم العلاقه وتكون ناجحه حتى بعد الرزواج؟؟

،،،،،،وهل ممكن ان يتقبل الشاب السعودي هذي الفكره ولا اذا الحب بهذي الطريقه لعب وتسليه مو اكثر؟؟

،،،،،وهل ممكن تصدق البنت حب الشاب لهاا ام انها سوف تقول انه بيااااااع كلام؟؟

،،،،، ام هو استصغار ببعض الاحيان لعقل الفتاة حتى تقع باوهام لمجرد مرض نفسي

مصاب به الشاب ؟؟


،،،،،وماهو رايك الشخصي بالحب قبل الزواج؟؟