عيون بالقاع نفس عيون الانسان

عيون بالقاع نفس عيون الانسان
دوم تـصب دمـع عللي بيها مدفون
وانا بقاع العـيـون اندفنوا اعـزاء
ارد اعــــرف اليمته بعيني يبقون
اباقي عيون حــاير من يجي الليل
ومـــــن اتعب ترد تبكيني العيون
بـعــدكم تنخر روحي واثـرهــواي
راك خـيـلي وتركي الهسه مطعراك
قلت تهون سهلة وتـمشي الايــام
شفت ايامي واقفه وانتوا تمشون
مـزمــن بـيــه حبكم ما اله عــلاج
يـــوجعني بـكـثـر ما بـيـكم تقسون
صوركم عندي ذكرى تقطع الروح
وبـلاوي بالصور شگتلي العيون
بـكـيـت وما ردتـها تـسيل الدموع
لان خــايف عــلـيـكـم لا تـطـيحون
انا بعـلـمـي اخسرتكم بـعـد شيفيد؟
مــا يـنـفـع بــحـلـمـي شـما تمرون
انا ضـنـونـي ابـعدكم صـارت هواي
هـا رجـعـوا علي ؟ ها ما يـرجـعون
والله الــدنـيـا خــربـت يــوم الوداع
ضــاگ الكون بيه وضگـت بالـكون
وبـقـيـت الـهـذا يومي مرصع افراك
اتـانـيـكـم قــلــت هـله تـــــردون
لــزم خــفي الـطـريق وخــذني وياه
وائـثـرت بـعـشقكـ وادم مـا يـوافون
بـــعـــدكــم ما اظــــن تحلالي دنياي
بــعـــدكـم ما امـيـز حــظـــي يالــون
بــعــدكــم ما مشيتوا وراحت الروح
بــعـدكـم حــال ليلى بـلايه مجنون ؟
بـــعـدكـم عـنـي وكتي وانتم (قراب)
بــعـدكـم انـــــه سيف ابرگبه مذبوح
بــعـدكـم مـدري شنهي الصاير وياي
حــتــى بـشـعـر راســـي تبين جروح
طـلـعـت سـطــوح حـبـكم وانه تعبان
وكــل بايـــه بـطـلـعـتـي اتطلع الروح
لـقـيـت تـفـوح ريـحـة ذيــــــك الايام
طـلـعـت فــوقــي راسـآ كــل السطوح
وقـلـت مـسـموح الـكم كـلشي ياحباب
بــس عــنـي الـبـعـد ما قـلت مسموح