زادت جروحي ....

احتمل يا قلب وخل الجرح ينزف
وش فايده اتعيش بليا روح
هو روحي وهو قلبي واهوه حياتي
لو سألتوا شلون قلت ماني مزوح
كنت احسبه دايما هو راس مالي
ومكسبي بالدنيا مكسب طموح
شريت انا حبه وبعد شريت قربه
بالشرف اعيش وياه ماني شحوح
خبيته بوسط الحشا ما احدا يشوفه
صنت اسراره وبسره ما ابوح
اقضي ليلي سهران مع ذكرياته
دايما طيفه في بالي مايروح
يومن حبيب القلب ابتعد عني
قلت يا قلب اهلا واهلا يا جروح
اعرف انه انجرح من بعده عني
ويعرف انه بقلبي بنيت له صروح
وقته امقصر ولا ظروفه القاسيه
مو بكيفه ابتعد غصبا يروح
يا زمن ارحم محب بالهوى
ارحم عليل من الفراق صار مذبوح
غابت الفرحه عني يازمن
كنت احسب المسأله دموع ونوح
مرحبا بالجرح دام القلب ينبض
الموت قرب واظنها فاضت الروح
النهايه قربت واصيكم وصايه
كتبوا على قبري ابو قلب مجروح

......
........
..........