أحبك كثر ما قد صار أحبك رغم ماقد صار

احبك كثر ما قد صار احبك رغم ما قد ما صار
احبك كثر ما دنيا الزعل والصد مهجورة

احبك كثر ما تمطر بصدري من غلاك أمطار
احبك كثر ما صارت أراضي العشق ممطورة

احبك كثر ما تفتح شبابيك الربيع أزهار
احبك كثر ما غنت عشان الصبح عصفوره

احبك كثر ما تاقف على جنب الطريق أشجار
احبك كثر ما يقسى الشتاء وتهاجر طيوره

احبك كثر ما في الأرض بنت تلفت الأنظار
احبك كثر ما يرتاح عطر بصدر مغرورة

احبك كثر ما جاب المساء في معطفه زوار
احبك كثر ماجانا الصبح يشبهك نوره

احبك كثر ما تهدي كفوف الوصل من تذكار
احبك كثر ما شالت يدين العاشق زهوره

احبك كثر ما نقراء عن الفارس عن المغوار
احبك كثر ما نسمع ولا شفنا ولا أسطوره

احبك كثر ما تلعب بدنيا العاشقين أقدار
احبك كثر ما .. ذا الحظ يلعن قصوره

احبك كثر ماعاثت رياح بحسبة البحار
احبك كثر ما البحار يعشق نسمة بحوره

احبك كثر ما يحلف اللي منشغل بأعذار
احبك كثر ما في الناس ناس بجد معذورة

احبك كثر ما ملت قصايدنا من التكرار
احبك كثر ما الشاعر تمنى حب جمهوره

احبك كثر ما شفنا على وجه الزمن آثار
احبك كثر ما قلنا عن الأحوال مستورة

احبك كثر ما دارت بذهن الحالمين أفكار
احبك كثر ما في الخير ناس بالخير مذكورة

احبك كثر ما نرمى حكايات الحطب للنار
احبك كثر ما نسمع حكايات حب مشهورة

احبك كثر ما ضاق السجين بلعنة الأسوار
احبك كثر ما هاج البحر واجتاحته ثوره

احبك كثر ما ننسى واحبك كثر ما نحتار
احبك كثر ما يسهر محب وفي يده صوره

احبك كثر ما تقطع شفاتك في العسل مشوار
احبك كثر ما خدك يخلي الشمس مبهورة

احبك كثر ما روج عليك الحسن من أخبار
احبك كثر ما صدرك يدوخ الورد بعطوره
احبك كثر ما في عينك من السحر والأغوار

احبك كثر ما فيك الغلا ما وقت سطوره
احبك والزمن ساكن واحبك لو زماني دار

احبك يا مدينة حب وسط الصدر معمورة
احبك والتفت شاعر لعينك وانطرت أشعار

حلف ما يمسى الليلة قبل ما يكتب شعوره
ورتبتك بصدري وأنت تستاهل وراعي دار

تفضل قلب أوراق الغلا ويديك مشكورة
وذكرتك وأنت لو مثلك ذكرته هلت الأنوار

وقمت أجمع من أشواقي قصايد عشق منثورة
تلبست الجمال وقلت ابهديك القصيد أزرار

غلاك وصدق حبك ما ترك لي نفس مكسورة
أنا عاشق جمال وما خفاني في الجمال أسرار

أنا لا من كتبت أعطيك وأعطي العشق بك دوره
كتبتك في القصيد أبيات من حسنك عليك تغار

حروف العشق طفلة في ثياب العيد مسرورة
لقيتك و الدلع والثقل شله والحسن ثرثار

يقول أشياء كثيرة للعيون ويثبت حضوره
كفاية لو تطل ويفرح بطلتك دار وجار

كفاية لو تشوف الناس في نظرتك مأسورة
غرامك يغري حروف سقاها الصدق منك أمطار

كتاباتي بتشهد للغرام وتحفظ عصوره
احبك مهما ابتعدت عني بسبة الأقدار

احبك واحبك لو حبي توصله لك طيوره
احبك رغم ما قد صار .. احبك حيل مهما صار

احبك دام أنا طيب .. و أراضي العشق ممطورة


احبك

ثم

احبك

ثم

احبك