بنت ولا كل البنات

ملك .. سأل الشعب ..

سؤال وقال اللي يجاوب عليه صح راح اعطيه فلووس مرة كثيير وكل شي يبغاه

والسؤال : ايش أكثر شي وايش اكبر شي ...؟؟؟؟

راح الخادم .. على بيته وقاعد يفكر..

جته بنته .. وقالت : ايش فيك ؟؟

الخادم: اليوم سأل الشعب سؤال وقال

اللي يجاوب عليه: قام قالها : الملك..


راح يعطيه فلوس وكل اللي يبغاه وأنا مو عارف الإجابة..

البنت : ايش هو السؤال .......؟؟

الخادم : ايش أكثر شي وايش اكبر شي ...؟؟

البنت : روح عند الملك وقله اكبر شي أرضك وأكثر شي مالك ..

راح الخادم عند الملك وقاله : يا ملك أنا لقيت إجابة لسؤالك ......

الملك : تفضل ..

الخادم : أكثر شي مالك وأكبر شي ارضك ......

الملك : مين قلك الإجابة ...؟؟؟

الخادم : بنتي ..

الملك : طيب روح قلها .. لابسة ومهي لابسة..

ماشية ومهي ماشية ... هدية ولا مو هدية ؟؟؟

الخادم راح عند بنته وقالها .. :

الملك يقولك لابسة وماهي لابسه ....

ماشية ومهي ماشية ..هدية ولا مو هدية ؟؟؟

البنت: روح جيب لي شبكة .. وغنمة ... ولحمة ..

استغرب الأب الخادم من الطلبات بس راح وجابها ..

لبست البنت الشبكة وركبت الغنمة .. ومسكت اللحمة وراحت

ودخلت عند الملك .. وقالت : يا ملك ..

أنا لابسة شبكة ومو لابسة ......

وماشية بس مو على رجولي على غنمة..

وهذي لحمة انت تعتبرها هدية ولا مو هدية..

الملك .. اعجب بذكاء البنت وقالها تتزوجيني؟؟




اتزوجت بنت الخادم الملك .. وعاشو في سبات ونبات ......

وخلفوا صبيان وبنات

بعد سنين ..



باقي لاتستعجلون





القصه مانتهت







ياعجلكم عجلا






بدات





هاهيه






كان في خادم من الخدم أعطاه الملك حصان هدية

وفي يوم نام الخادم ونسي انه يأكل الحصان قام هاج الحصان ......

فجاه الملك وطرد الخادم وقاله هات الحصان ورووح..

راح الخادم وهو زعلااان ..

البنت: إيش فيك ......

الخادم: الملك طردني واخذ مني الحصان..

البنت: خذ صنارة واقعد اصطاد بالحديقة

على العشب ولو جاك الملك وقالك إيش

تسوي قله إذا انت ما رزقتني يمكن ربي يرزقني..

عمل الخادم مثل ما قالتله الملكة ......

الملك : إيش قاعد تسوي..؟؟

الخادم : إذا انت ما رزقتني يمكن ربي يرزقني..

المالك : مين قلك تقول كذا.

الخادم : الملكة..

عصب الملك .. وطفش من ذكاء البنت.. وراح لها ..

وقالها : شوفي يا بنت الناس ..

لمي إغراضك ورحي على بيت اهلك ..

بس قبل ما تروحي .. سويلي شاي

.. وخذي أغلى شي عندك
قامت البنت سوتله شاي وحطتله فيه منوم

صحي الملك .. ولقى نفسه في بيت الخادم (أبو البنت)

الملك: إيش اللي جابني هنا .......!!!!!

البنت :

مو انت قلت لي روحي بيت أهلك وخذي أغلى شي عندك ...

وأنت أغلى شي عندي