اخاف شمسك تغيب

ياكثر ما قلت احبك يابعد روحي
وياكثر ماشتقت لك يانور الاعياني

اغليك والشاهد اللي جاك في بوحي
مهما زجرتك تظلي قلبي الحاني
بعض العتب يالحبيبه يبري اجروحي
ويزيل بعض الشكوك اللي بوجداني
والله مالي في الهجران مصلوحي
غير اني اشيل هم قد توطاني
نوايب الدهر عايق يقتل اطموحي
لو تلمس ايديك حلمي بانت احزاني
لا تنبشين الخفي ويجيك مفضوحي
خلي محاكيك يتأملك من ثاني
اخاف شمسك تغيب وعني اتروحي
واقبع بكهف الحزن اعوام وازماني
عساك فيما ذكرته يالغلا توحي
قبل اشتعال المشاعر يحرق اغصاني
ان احترق دم خلك منت مسموحي
وشهوله اتشب نارك في جسد فاني
وان شفتني في فراشي منك مطروحي
توشح الحزن والا جر ال الحاني
مابه سخط والقدر مكتوب في لوحي
راضي لوانك بليا شك شيطاني
تأمل ابلحظه اشواقك في اشبوحي
شوف الغلا كيف ينزل لك من اوجاني
لو ترتكب ذنب فيني قلت مدموحي
علّك تدارك خطاك ولا تناساني
دام الفؤاد المتيم لجلك ينوحي
كن طوع امري وحذرا يوم تعصاني
اتمنى ان ينال اعجابكم