يوميات فرح ومرح

يلا فرح يلا مرح قعدوا من النوم
صوت الجرس ياويل اللي مايقوم


توضؤا بعجل ياأولادي يافرح ومروح
قوموا نصلي والصلاة تنور الروح


يلا مرح يلا مرح بسرعة ألبس
متأخرين في الروحة للخالة نرجس


أنا مشتاق للخالة نرجس يلا ودوني
ماأتحمل فراق عبدالله جدي سلوة عيوني


وأنا هم مثلك بعد وحشتني شوفتهم
أكتب حروفي وأشخبط على طوفتهم


يلا يافروحة هذا بابا ناطرنا
لبسي حجابج ترا والله تآخرنا


قول وسولف وأنصحنا يابابا نزار
نسمع كل اللي تقوله وأحنا الشطار


أول ما أنصح بزيارتنا الحلوة
لايكثر واحد منكم أكل الحلوى
ماتدرون أكل الحلوى فيني شسوى
اسناني كلها تسوست كلها عوار


شيء ثاني سمعوا زين أني مانسيت
لايلعب واحد منكم خارج البيت
اتمنى الأطفال يسمعوني ياريت
لعب الشارع ياأولادي كلها أخطار

السلام عليكم جدي عبدالله

وعليكم السلام ورحمة الله

شلونك ياجدي شخبارك ياجدي

من بعد التعب ألف الشكر والحمدلله

بهذي الزيارة كل ولد أعلن وفاءه
والله يحب كل واحد يزور أقربائه

هذي الوصية من النبي أحمد المختار
وصونا لازم نحترم ونحب الكبار
وأحنا بعترته نقتدي وبآله الأطهار
واجب نطيع الباري ونطيع انبيائه

قبل الأكل نقول بسم الله
بعد الأكل حمداًلله

هذي الأصـول ** لازم نقول


ياجدي لازم نروح أحنا لازم نروح مع السلامة

يحفظكم الله ياأولاد ** عسى الزيارة تنعاد
ويرتاح بالي ** بشوفة عيالي
ا