سعا في شر فانقلب على راسه..

هذه القصه جدثت فعلا وهي حقيقيه...

ماحدث ان هناك صديقان فلنقم بتسمية الشخصيات وهم ثلاثه :

الصديقان :
1- فهد
2-سعود
اما الشخصيه الثالثه فهي (( امام المسجد))

ماحدث ان الاول فهد حدث صديقه سعود قائلا اننني تعرفت على اخت امام المسجد.

فهد محدثا سعود.

سعود..

سعود نعم ..

فهد انا تعرفت على اخت الامام وابي منك طلب

سعود آمرني يافهد..

فهد ابي منك تصلي مع الامام على شان انا بروح اقابل اخته واخاف يطب علينا..

سعود وبعدين..

فهد ابيك تكون معه بالمسجد واذا طلع دق على جوالي على شان اهرب.

سعود بحكم الصداقه اللي تجمعهم حاضر يافهد ماطلبت شي.
.
في اليوم الاول من المقابله صلى سعود مع الامام صلاة العشاء وبعد مانتهوا طلع الامام من المسجد فسارع سعود بالاتصال على فهد لينبهه بخروج الامام.

سعود الوو فهد .

فهد هلا سعود .

سعود الامام طلع يالله اطلع قبل يجيك.

فهد مشكور اخوي سعود اردلك هالجميل ان شاء الله.

سعود اخلص علينا يالله .

فهد يالله انا هالحين طالع نلتقي عند بيتنا..

سعود ماشي انا رايح هناك مع السلامه..

واستمرت هالحاله وسعود كل يوم او يومين يصلي مع الامام ع
..
شان صديقه فهد طلب منه يراقب خروج الامام..

طالت السالفه على هالحال.
تدروووووووووووووون وش صار ,..


انا اقولكم شصار....
اللي صار ان قلب سعود رق من كثر مايصلي وصار يخاف ربه ..

وفي يوم من الايام لاحظ الامام تردد سعود للمسجد وبعد صلاة المغرب طلع الامام وسعود مع بعض فقال الامام لسعود..

ركزوا على ان سعود ماتصل في فهد..بتجيكم بعدين.

الامام..
كيف حالك ياولدي..
سعود ..
هلافيك ياشيخ ..
الامام..
انا اشوفك تجي المسجد الله يجزاك خير ويثبتك على الطاعه واخذ الامام ينصح سعود وسعود قلبه يتقطع على اللي يسويه صديقه فهد وهو قاعد يتستر عليه..

مابطول عليكم ..
مشى الامام ويعد ماأدار ظهره ناداه سعود..

سعود ياشيخ التفت الامام نعم ياولدي..

سعود وهو يبكي ..

ياشيخ انا بقولك شي بس ارجوك سامحني ..

الامام قرب وهو مستغرب من كلام سعود ودموعه الغزيره..

الامام شفيك ياولدي عسى ماشر.
سعود..
ياشيخ انا اجي المسجد مو عشان اصلي...


الامام متعجب؟؟؟؟؟؟؟؟؟؟


كيف ياولدي وانا اشوفك تتوضأ وتصلي معنا...

سعود لا ياشيخ اقصد ان السبب الرئيسي مو بالصلاة.

الامام؟؟؟؟؟؟؟؟؟؟؟
مستغرب ويبي يفهم شسالفة هالولد الغريبه..

كيف يالولدي..

سعود انا ابيك تسامحني وانا والله تبت وماراح اسوي هالشي مره ثانيه..

الامام قل ياولدي شعندك..

سعود..
ياشيخ انا اصلي عشان صديقي يقعد مع اختك بالبيت واذا طلعت من المسجد ادق عليه عشان يطلع ..وعلى هالحاله لين ياشيخ حسيت بالذنب من كثر ماصلي واسمع القران ...

الامام مستغرب من هالسالفه..!!!!!

سعود...
وانا والله اني تبت تكفى سامحني ...

تدرون شاللي صار واللي صدم سعود.........؟

اللي صار ان الشيخ قال لسعود ياولدي انا ماعندي احد في البيت ....

سعود..

كيف ياشيخ

الامام..
انا وحيد وماني متزوج........

علامات الاستغراب على سعوووووووووود....!!!!!!!!!!!!


شوفوا شنو قال الشيخ وشوفوا صدمة سعوووووووود..


الامام..

ياولدي رح شف أهلك....

سعود ؟؟؟؟؟؟؟

الامام..

إي نعم أهللك..

انصدم سعود وفورا راح لبيتهم..

وللمعلوميه ان سعود ماتصل في فهد مثل ماقلتلكم بالاول...

راح سعود لبيتهم بسرعه وهو في حاله غريبه حالة جنووون...

تخيلوا ان فهد طول هالمده يقابل اخت صديقه سعود واللي يصدم ان سعود هواللي ينبه فهد لان فهد متاكد ان سعود بالمسجد واذا طلع دق عليه وبكذا يامن فهد عدم جية سعووووووووووووود للبيت...

مايحتاج اقول شصار لسعود لان مهما صارله قليل بالنسه لهالصدمه..

شوفوا ياإخوان هالقصه غريبه ؟؟؟


شوفوا استغلال الصداقه...

شوفوا خيانة شرف الصديق...
امور كثيره يجب ان نتعلمها ...

فحذاري حذاري من صديق السوء..

وأختم هالسالفه بهالدعاء..

((اللهم إنك تعلم سري وعلانيتي فأقبل معذرتي. وتعلم حاجتي فأعطنى سؤالي. وتعلم ما في نفسي فاغفر لي ذنوبي، اللهم إني أسألك إيمانا يباشر قلبي. ويقيناً صادقاً حتى أعلم أنه لن يصيبني إلا ما كتبته علي؛ والرضا بما قسمته لي يا ذا الجلال والإكرام))


واعذروني على الاطاله ....