رسالة بحراني لحبيبته ......

رسالة بحراني لحبيبته ......


رسالة بحراني الى خطيبته



اليك يا بتول


اخيرا يا خلف جبدي ...


ما بغينا نلتقي و نجوف بعض ...


تصدقين عاد ... انا كا هالوكت ...


أعد الفواني و الايام ...


نوبة اقول خلاص ما في امل نقعد ويه بعض ...


و نوبة اصبر روحي ...


لاكن كلما بققت عويناتي في النجوم ...


اقعد ابحلق في نجمة سهيل ... و اتخيلش مكانهااا ...


و اقول في نفسي ... و اقول حامض على بوزي اوصل ليها دام اني عطالي ...


حتى في مره من المرات طافت كم غيمه على سطحنااا ...


و قلت جان زين توديني صوب بيتكم ...


آه ما اصعب الانتظار ... يملل و يبط القلب ...

جبدي معلوله يا بعد جبدي .... و ما يداوي علتها غيرش يا بعد خلف ابويه ....


و الحين الحمد لله اشتغلت ... و خلاص قربت تخلص الشقه ... الي في الملحق مال بيتناا ....


آبا اسويهاا احلى شقه في الديره ....

بحط لش فيهاا كرفايه تجنن ... و مرقد ريش دياج


و باحط لينا في مجلس النسوان دواشق و مساند ... من النوع الين ...

و باشتري اليش قز ابو خمس جولات .... حق تقدين تقلين آلو ... و تسوين سمبوسه في وقت واحد ...

و باشتري مسجل ابو شريطين ...

حق ادا جبت شريط من عند الصبيان و عجبش اسجله ليش ....



ايه ويش بعد ...

المهم انا ما امبه اطول عليش ....

بس لا تنسين قلبي تعطيني من مهرش ... حق نخلص شقتنا بسرعه ...

و لا ما في عرس الا بعد خمس سنين ادا على هالحاله

م ن ق و ل ....

تحياتي:وردة أمل*--