نصائح قوية للمتزوجات حديثا..

بنات شابات نساء

بالله عليكم ما مليتوا؟؟؟!!

احترمي زوجك...اطيعي زوجك..لاترفعين صوتك عليه ..زوجك له حق عليك ..
ملل ودكتاتوريه مو كذا؟

خليك من جد كوول على طول
وتعالي شوفي moonfaceبايش تنصحك؟

أولا/كلمة (احبك) كلمة بايخة ومالها اي معنى ولا انت تستاهلينها بالنسبة لزوجك ..
يجيك في الليل وانت حدك تعبانة من العمل او العيال اذا كان عندكم اطفال ،ويجي هو وبكل برودة وسخافة ويهمس في اذنك احبك ..
نصيحة :ردي عليه وبكل احترام (حبك برص).


ثانيا/الزوج عادة يفكر انه اهو ملك ولا يمكن تطالعين غيره ..
نصيحة لك حبيبتي:اذا شفت ممثل،مغني،او مذيع اخبار حتى لو ماكان فيه ذرة حلا.بس عشان تغيظين زوجك ..اصرخي وبكل حب (الله شحلاته..يهبل ..بس حسافة راحت علي) صدقيني انت بتقولين كذا من هنا واهو راح يزيد حبه لك..


ثالثا/اذا تبين منه شي امريه امر ولا تطلبينه منه ...
واذا قالك ((نعم))ردي عليه وبكل شكر وتقدير (نعامة ترفسك)


رابعا/واهم شي لا تنسين العبارات المبيدية المعززة للقوة ..
مثل:(اخلص،انقلع من وجهي،وخر عني...) والباقي عليك طبعا حسب شخصية زوجك..


خامسا/وهذي نقطة مهمة جدا خصصي لك غرفة نوم لوحدك..
يعني تعرفين للحالات الطارئة طبعا..

سادسا/اذا قالك بيطلع او بيسهر مع اصدقاءه...
لاتبدين له اي اهتمام بل بالعكس فرحي وطيري من الفرحة ..

لحد هنا واكتفي بهذا القدر من النصائح المفيدة...
وعلى فكرة هذي النصائح سريعة المفعول..واذا دام زواجكم تعالي وكلميني بس...

ودمتم متزوجين..






نصيحة لوجه الله للتماسيح :اذا كنت تبي تعرف مدى حب زوجتك لك خلها تقرا نصائحي وشوف اذا ما سمعت كلامي هذا معناه انها المسكينة صج تحبك ومصدقة انك تحبها..

لكن اذا سمعت كلامي ونفذت نصائحي خطوة خطوة..
هذا معناه انها ذكية وعاقلة وفاهمة لعبتك عليها..